أنا كنت بحب واحد قربني ليه وحببني فيه قوي وحبني. وكان عاوز يخطبني وشرح لي ظروفه وأنا وافقت.. وبعد شهرين من معرفتنا قال لي نجرب نتعامل كأصدقاء ووافقت، وقعدنا أكثر من سنة كده.

أنا عارفة إنه جد ومكنش بيلعب بي وعرفني على أهله كلهم واتعرفوا على أهلي. بس بقالي سنة مش قادرة نبقى أصدقاء رغم إنه طلب مني أسامحه وإنه لما قال لي كده كان حاسس إنه اتغير من ناحيتي ومكنش عاوز يكمل معايا ويضحك عليا. قلت له إني مسامحاه وإننا نكون إخوات بس في السنة اللي فاتت ولا مرة حسيت إنه أخويا ولا صديقي.

أنا بحبه ومش قادرة أحب غيره بارفض كل اللي بيتقدمولي وبحبه وأنا عارفة إن الموضوع مستحيل يكمل وإنه حتى لو جالي يطلبني مش هوافق. أنا محتاجة أنساه ومش قادرة.. بجد ساعدوني أنا حاسة إني لوحدي على فكرة مش هينفع أقطع علاقتي بيه لأن إخواته البنات ومامته أصدقائي وأهلي عارفينهم وأمي عارفاهم كلهم.

د.س