الفنان مجدي الكفراوي

وإحنا داخلين قصر الفنون أنا و"عمر" صاحبي كنت باقول له:
المعرض الأول لصالون جاليري اللي كان السنة اللي فاتت كان مشارك فيه 12 قاعة من قاعات العرض الخاصة.. أما السنة دي فعدد القاعات وصل 19قاعة...
قال "عمر":
- ليه يا فنان هو فيه كام قاعة عرض خاصة في مصر؟
فيه حوالي 40 قاعة عرض تقريباً..
- ياه!.. ده كتير قوي!!
لا يا صاحبي مش كتير؛ لأن العدد ده متوزع... فيه قاعات منها في الأقاليم، وبعدين بالنسبة لبلد زي مصر عمرها الفني 100 سنة فن تشكيلي، قصدي طبعاً الفن الحديث؛ لأن مصر تعرف الفن قبل العالم كله بدليل معابدنا وآثارنا اللي هي خُمس آثار العالم.. لكن نرجع لموضوعنا 100 سنة فن حديث، وعدد هائل من الفنانين، فوجود هذا العدد من القاعات مش كتير خصوصاً إن فيه قاعات متخصصة لفنانين بعينهم، وبيبقى لهم أسبابهم..

وإحنا بنكمل كلامنا كنا واقفين وسط الدور الأرضي وهو عبارة عن مساحة كبيرة جداً مقسمة لجزأين علوي وسفلي بيربط بينهم سلم، والمكان مفتوح بشكل بانورامي، كان صاحبي مشدوه جداً من روعة اللوحات الموجودة وطريقة عرضها، رغم إننا زرنا متحف الفن المصري الحديث قبل كده، لكن يمكن المتحف كان كئيب شوية... قال لي "عمر":
- إيه يا فنان هنتكلم عن قاعات العرض الخاصة ولاّ عن الفنانين واللوحات؟
والهو يا صاحبي الاتنين مرتبطين ببعض...
- يعني إيه؟

يعني اللوحات الموجودة قدام سيادتك اللي جابها هنا أصحاب الجاليرهات الخاصة مش الفنانين، واللوحات دي بعضها مُقتَنى من أصحاب الجاليرهات أو فنانين عارضين نماذج من شغلهم كتمثيل للقاعة أو الجاليري...
- يعني إيه مُقتَنى؟
يعني مِلْك أو مباعة... فهتلاقي الشغل الموجود كله شغل مميز.. لوحات مهمة جداً لفنانين مهمّين من جيل الرواد وجيل الوسط وجيل الشباب حاجة تفرح...
- آه صحيح يا فنان حاجة تفرح...
والحقيقة يا "عمر" إن اللي يفرح أكتر هو فكرة المعرض، إنك تقدر تجمع كل الجاليرهات أو قاعات العرض الخاصة كلها في مكان واحد، وتحس إن قطاع الفنون كبير عيلة لامِم ولاده في حضنه؛ لأن الموضوع ده كله خدمة لمصلحة الكل لمصلحة الناس البسيطة اللي بتحب الفن...
- زيي كده يا فنان...
مثلاً.. ومصلحة للجاليرهات علشان متحسش إنها شغالة لوحدها لأ دي الوزارة "وزراة الثقافة يعني" موجودة في ضهرها، ومصلحة للحركة التشكيلية نفسها إنه يكون فيه معارض جماعية بالشكل الجميل اللي إنت شايفه ده...

- هي إيه القاعات المشاركة يا فنان؟
بص يا سيدي عندك "أفق" ودي تابعة لوزارة الثقافة، وجاليري "بيكاسو" الزمالك، وجاليري "جوجان" الزمالك، وقاعة "دروب" جادرن سيتي، "شادريكور" مصر الجديدة، "ديجا" إسكندرية "أتيليه" الإسكندرية، قاعة "ريان" ودي موجودة في فرنسا، لكن أصحابها مصريين، وساقية "الصاوي"، و"مرسم القاهرة الجديدة"، قاعة "كريم فرنسيس"، وقاعة "مشربية"، وجاليري "سلامة"...
- طيب ازاي القاعات دي بتتعامل مع الفنانين؟
أقول لك...

• عن قصر الفنون وصالون الجاليري
  
  
• عن الفنانة إنجي أفلاطون
  
  
• عن الفنانات المصريات
  
  
• أقدم الفنانات المصريات
  
  
• الفنانات في مصر
  
  
• الفن التشكيلي والسينما
  
  
• الفنان لازم يكون مثقف
  
  
• مفيش دكتوراه في الفن
  
  
• الرسم مهنة مكتسبة
  
  
• فنان بالفطرة
  
  
• الفرق بين الفنون جميلة والفنون التطبيقية
  
  
• الملابس والفن والتشكيلي
  
  
• الفن التشكيلي والمسرح
  
  
• المدرسة الانطباعية أو "التأثيرية"
  
  
• "الاسكتش"
  
  
• روائع فن الصور الشخصية "البورتريه"
  
  
• "فن البورتريه"
  
  
• محمود مختار رائد فن النحت
  
  
• النقطة الذهبية في اللوحة الفنية
  
  
• يعني إيه كلاسيكية، ويعني إيه تجريدية؟
  
  
• هي الأوبرا ناس بتجعجع وخلاص؟!
  
  
• النحت على الهوا!!!
  
  
• كهوف الإنسان البدائي وعلاقتها بالرسم!
  
  
• حكاية الفن التطبيقي الحلزوني!!
  
  
• الفن التشكيكي والبؤرة الكونية...!