حتى لا تهدري كرامتك

أول مرة في حياتي أحب وبحبه أوي، وحياتي مش ليها معنى من غيره، وأنا السبب في ضياعه من إيديّ..

أنا بنت عندي 21، مشكلتي خلاص مش ليها حل؛ بس أنا محتاجة أتكلم مع حد… أول مرة في حياتي أحب وبحبه أوي، وحياتي مش ليها معنى من غيره، وأنا السبب في ضياعه من إيديّ..

هو أكبر مني بسنة هو اتخرج خلاص من نفس الكلية اللي أنا فيها، وأنا فاضل لي سنة في الكلية؛ المهم هو لما صرح لي بحبه في الأول أنا مش كنت حاسة بحاجة ناحيته؛ لكن مع الوقت لقيت نفسي بحبه أوي أنا كنت -بصراحة- باعامله وحش أووي كنت كتير باصده، حتى بعد لما قال لي عشان كنت خايفة ليحصل لي زي ما بيحصل لأصحابي وتنتهي بإننا نسيب بعض.

المشكلة دلوقتي إني مش عارفة أوصل له وأقول له بحبك، أنا كنت باتكسف في الأول؛ بس دلوقتي حاسة إن عندي الجرأة إني أقولها له، بجد حاسة إني لوحدي ومحتاجة له أووي يكون جنبي، هو إن شاء الله هيدخل الجيش؛ بس أنا عندي استعداد إني استناه لأنه فعلا حب حقيقي نفسي يرجع لي تاني.
  

lonly girl