الرئيسية > صحة وجمال > سفرة دايمة > المكرونة بالخضراوات على “سفرة دايمة”

المكرونة بالخضراوات على "سفرة دايمة"

ممكن تقدمي المكرونة بالخضروات مع فراخ بانيه

أعدّتها لكم: آية خالد

المكرونة بأنواعها من أكتر الوجبات المحبّبة للأطفال والكبار في أي وقت؛ علشان كده هنقدّم لك النهارده طريقة جديدة لتقديم المكرونة..

مكرونة بالخضراوات
المقادير:
كيس مكرونة (قواقع أو حلزونية أو قلم.. حسب المتوفّر)
كوب بسلة خضراء
2 فص ثوم مفروم
½ كوب جزر مقطّع
ثمرة فلفل أخضر رومي
2 ملعقة كبيرة كريمة طبخ
2 ملعقة كبيرة زيت زيتون
ملح وفلفل

الطريقة:
1- اسلقي المكرونة وصفّيها، واسلقي البسلة والجزر مع بعض في حلة صغيرة لمدة 10 دقايق، وبعدها صفّيهم كويس أوي.

2- حطّي زيت الزيتون في حلة، وضيفي عليه البسلة والجزر والثوم والفلفل، وشوّحيهم فيه لمدة 5 : 7 دقايق، وبعدها ضيفي عليهم الكريمة وقلّبيهم كويس، لحد ما يبدأ قوامهم يتخَن، وضيفي الملح والفلفل وقلّبيهم دقيقة.

3- ضيفي المكرونة على الخضار والكريمة، وقلّبيها معاهم لحد ما تسخن، وقدّميها مع فراخ بانيه.. وبالهنا والشفا.

وبكده تكون خلصت وصفتنا النهارده..
استنونا بكره في وصفة جديدة..
سلام،،،