الرئيسية > صحة وجمال > سفرة دايمة > إيمانسيه الكبدة الكندوز على “سفرة دايمة”

إيمانسيه الكبدة الكندوز على "سفرة دايمة"

الكبدة بتحتوي على نسبة عالية جداً من الحديد

النهارده على “سفرة دايمة” هنقدم لكم طريقة جديدة لعمل الكبدة البلدي بشكل سهل وسريع، جربوها وماتنسوش تبعتوا لنا كل الأكلات اللي عايزين تعملوها في العيد.

إيمانسيه الكبدة
المقادير:

  • 1/ 4 كيلو كبدة كندوز
  • 2 ملعقة كزبرة خضرا مفرومة
  • 2 ملعقة عصير ليمون
  • ملعقة صغيرة كمون
  • ملعقة كبيرة كاتشاب
  • كوب فلفل ألوان
  • 4 ملاعق زيت
  • 3 فصوص ثوم
  • 2 ملعقة خل
  • فلفل حامي
  • حبة بصل
  • ملح وفلفل

الطريقة:
1- قطعي الكبدة شرايح رفيعة، وبعدين حُطّي الزيت في طاسة تكون سخنة أوي، وحُطّي فيها الكبدة بس من غير تقليب لمدة 4 دقائق علشان ماتنزّلش ميتها.

2- بعد كده ابدئي قلبيها، وحُطّي عليها البصل بعد ما تقطعيه مكعبات كبيرة، وحُطّي الفلفل الحامي وقلبيهم من وقت للتاني، وبعدين حُطّي الفلفل الألوان.

3- وبعدين حُطّي الكزبرة، وعصير الليمون، والخل، والكاتشاب، والكمون، وتبّليها بالملح والفلفل، وبعدين قدّميها مع رز أبيض.. بالهنا والشفا.

 

خلصت وصفتنا النهارده..
استنونا مع وصفات جديدة كل يوم..
سلام،،،