الرئيسية > صحة وجمال > سفرة دايمة > “سفرة دايمة” في “المطبخ السوري”

"سفرة دايمة" في "المطبخ السوري"

عزومة من المطبخ السوري


سفرة دايمة في المطبخ السوري

المامونية
المامونية بتعتبر من أشهر الأطباق الشعبية السورية، وهي بتعتبر من الحلويات، إلا أن السوريين في بعض الأوقات بياكلوها مع الجبنة على الفطار..

المقادير:
كوب من دقيق السميد (متوافر عند العطار وفي السوبر ماركت)
2 كوب سكر
5 أكواب لبن أو مية (على حسب الرغبة)
2 معلقة كبيرة زبدة
قرفة “للتزيين”
فستق مطحون أو أي مكسرات عندك “للتزيين”

الطريقة:
1- اخلطي اللبن مع السكر، وارفعيهم على النار لغاية ما يغلوا، وبعدين شيليهم من على النار.

2- أحضري طاسة، وحطّي فيها الزبدة ومعاها السميد، وحطيهم على النار، وقلّبي السميد في الزبدة لغاية ما السميد يتحمّر.

3- بعد ما السميد يتحمّر، ضيفيه على اللبن والسكر المغلي، وقلبيهم كويس، وسيبيهم على نار هادية لمدة ربع ساعة.

4- بعد كده شيليها من على النار، وصبيها في أطباق التقديم، وزيّني وشها بالفستق والقرفة، وممكن تقدميها مع القشطة.. وبالهنا والشفا.

 

وبكده تكون خلصت جولتنا النهارده في “المطبخ السوري” ..
نتمنّى إنها تكون عجبتك..
وتجرّبي كل الوصفات وتبعتِ تقولي لنا على النتيجة..
واستنونا في عزومات تانية من كل مطابخ العالم..
وكمان لو عندك وصفة حلوة عايزة تشتركي بها معانا
ممكن تبعتيها لنا على لينك…


“ورينا شطارتِك”


< >