د. محمد أبو الغيط: ما هي مواصفات الريجيم الصحيح؟!

السلام عليكم.. ممكن أعرف ما هو السبب لأحتفاظي بوزني على الرغم أنني ملتزمة جدً بالريجيم.. وممكن اعرف لماذا يظهر على جسمي الضعف ولا يظهر في الميزان.. ارجوكم ساااااااعدوني وزني 75 وطولي160.

=============

رد بص وطل:
الصديقة العزيزة فيه بعض الناس تتبع نظام ريجيم واحد لمدة طويلة متخيلة انه صح أو متبعه نظام فى الاكل مرتاحه عليه وفى هذا النظام لخبطه وهو لا يعرفها وبيكررها طول الوقت فالوزن بيثبت عند رقم معين ولا يتحرك او قد يزيد وزن المريض رغم الالتزام.
والحل.. التأكد ان النظام للمتبع صح وثانيا تسجيل كل حاجه بناكلها – حتى الشاى والقهوة اى حاجه بتدخل المعده - فى جدول لمده اسبوع وعرضها على متخصص عشان يقدر يحدد فين اللخبطه بالتحديد .
لو استمر الوزن ثابت نلجأ الى مساعدة الجسم بالدواء يسرع عملية الحرق التى تختلف من شخص لاخر فى ناس تأكل كل حاجه ومش بتتخن وناس تانيه اى لخبطه فى الاكل تتخنها .
لو بعد الالتزام والدواء المشكله مستمرة ممكن نجرى تحليل هرمونات لان قد يكون هناك لخبطه فى الهرمونات او فى مشكلة ما تسبب زيادة الوزن او تمنع انقاص الوزن.

موضوع ممتاز ويفيد الجميع

السلام عليكم ورحمة الله وبركاته.. يا دكتور انا 22 سنة ووزنى 140 وطولى 180 وعايز أخس ومش عارف أعمل ايه عايز اعرف ايه الادوية اللازمة والريجيم اللازم ضرورى أرجوك انا بشتغل من 10صباحا:10مساءا وطبيعة شغلى تمنعنى من فترة الغداء ومش عارف ممكن اتصرف ازاى ارجوك ضرورى انا تعبان.

================

رد بص وطل:
الصديق العزيز لابد من استشارة طبيب متخصص في علاج السمنة وعمل بعض التحاليل لمعرفة السبب العضوي للسمنة عندك وعلى هذا الاساس يتمكن من إعطائك النظام الغذائي والدواء المناسب لطبيعة جسمك..

ازيك يا دكتور انا مشكلتى كبيرة انا عندى 28 سنة ووزنى 130 كيلو وانسة مش متزوجة ومش عارفة اعمل ريجيم كل مرة اخس اتخن تانى انا تعبت نفسى البس زى البنات بس انا مشكلتى الشيكولاتة والبيبسى.

===============

رد بص وطل:
الصديقة العزيزة لازم تستشيري دكتور متخصص في علاج السمنة لإجراء بعض التحاليل لمعرفة سبب السمنة عندك وإعطاؤك النظام الغذائي والدواء المناسب لكي مع ممارسة الرياضة وحاولي إنك تقللي من الشيكولاته والبيبسي تدريجياً وممكن إنك تبداي باستعمال البدائل الدايت بتاعتهم وتقللي تدريجياً لغاية ما تقدري تستغني عنهم خالص.

مساء الخير يا دكتور.. انا طولى 168 ووزنى 69.750 انا كنت 62 كيلو قبل الجواز طلع لى بطن ومش راضيه تنزل ابدا وانا وزنى مش بيقل خالص حتى لو قللت الاكل مفيش فايده بدات اخد اورليستات هل الدواء مضر بيه وخصوصا انى لسه مش انجبت انا باخد الدواء مع الوجبه اللى بحس ان فيها دهون بس وكمان فيه حاجه انا لو قللت من اكلى اكتر حاجه بتخس وشى وشكلى بيبقى مرهق على طول.

==============

رد بص وطل:
صديقتنا العزيزة لازم تعرفي إن وزنك الصحي المناسب مع طولك يتراوح بين 56 إلى 70 كيلو يعني إنتي لازلتي في الحدود الصحية لوزنك ولكن كل اللي عليكي إنك تاخدي بالك من كميات الأكل اللي بتاخديها في اليوم مع ممارسة التمارين الرياضية وخاصة تمارين شد عضلات البطن لإن هي دي الطريقة الوحيدة اللي هتساعدك على التخلص من مشكلة البطن.

السلام عليكم انا ام مرضعة لطفل عمره اربعة اشهر وزاد وزني بعد الولادة كان وزني قبل الولادة 90 والحين صار وزني 100 كيلو تقريباً وانا طولي 175 سم انا قبل الحمل كان وزني 85 وانا جربت ريجيم لمدة اسبوعين لكن الحليب اللي في صدري اصبح قليلاً جداً وطفلي لم يكن يشبع ساعدني يادكتور ارجوك فأنا الان اعيش في حالة نفسية صعبة ودائماً تجدني عصبية المزاج بصراحة ليس عندي وقت للرياضة مع العلم انا ربة بيت حالياً.
مع جزيل الشكر
لمى للنرجس

===============

رد بص وطل:
الصديقة العزيزة لاتباع ريجيم مع الرضاعة لابد أن يكون نظام غذائى متوازن يعني تنزلي بالكثير 4 كيلو فى الشهر مع إضافة بعض الزيوت ولبن خالى الدسم وخضروات رقية وفاكهة وسوائل كثير.

السلام عليكم ورحمة الله.. انا ابلغ من العمر 23, وقد انجبت طفل من سبع شهور, والصراحه بعد ما انجبت لم اشد بطني ولم اكن اعلم بذلك,وزدت في الوزن, قبل الولاده كنت 62 كيلو اما الان 70 كيلو وبالمناسبه طولي 170 والصراحه انا بشدة الحاجه لأن استرجع وزني الطبيعي وقد سألت عن الابر الصينيه فقالوا لي اني لا استطيع اخذها لأني ارضع طفلي فما الوسيله المناسبه للتخسيس بعدم التأثير على رضاعة طفلي مع العلم اني تخنت من بطني يعني (طلع لي كرش) ومن الارداف ايضا.. ارجوكم ساعدوني فأنا نفسيتي متعبه بسبب تغيير طبيعة جسدي.. وشكرا.

===============

رد بص وطل:
أحسن حل للمشكلة دي هو ممارسة التمارين الرياضية الخاصة بشد عضلات البطن والحل ده إن كان بياخد وقت لكنه أكثر فائدة وصحة للجسم كله أما بالنسبة للغبر الصينية فقد ثبت عدم فعاليتها في إنقاص الوزن.

السلام عليكم يا دكتور من فضلك انا كان وزني 129 و اصبح الان 88 وانا كنت ابتديت بالانظمة الكميكال في اول الرجيم و بعدين مشيت على نظام السعرات الحرارية واصبحت احاول الا ازيد عن 700 سعر في اليوم لحد ما وصلت للوزن ده بس دلوقت انا عايزه اثبت واعرف ايه نظام الاكل اللي ممكن يكون صح علشان صحتي وانا عمري 27 سنة.

===============

رد بص وطل:
الصديقة العزيزة بالنسبة للتثبيت فهو ببساطة إنك تحصلي على سعرات توازي المجهود المبذول يوميا وان تراقبي ما تأكلي بعد التوقف عن الريجيم ومن المفترض إنك خلال فترة الريجيم تتعلمي طريقة الأكل الصح وتعودي نفسك عليها ويبقى ده اسلوب حياتك على طول.. صحيح مش معقول إنك هتعيشي طول حياتك تعملي ريجيم أو تتابعي مع دكتور وعلشان تعملي تثبيت لوزنك ففيه أكثر من شكل للتثبيت إما إنك تقللي كميات اكلك يعنى تاكلي كل حاجة لكن بكميات اقل مع الرياضة اليومية المتاحة، والطريقة التانية إنك تعملي توازن يعني لو يوم خرجت مع صحابك وهتاخدي راحتك فى الاكل اليوم اللى بعده تمشى على الريجيم، ولو لخبطي فى الاكل يومين اليومين اللى بعدهم اعملي ريجيم وهكذا.
واهم حاجة إنك توزني نفسك على الاقل مرة كل اسبوعين علشان لو لقيتي نفسك وزنك زاد تقللي فى الوجبات الحرة خلال الاسبوع يعني لو محددة ثلاث وجبات فى الاسبوع قلليهم لوجبه واحده او اتنين ولو بدأتِ تاكلِ قطعتين شيكولاته فى اليوم خليهم قطعه واحده كل يومين وهكذا، ولو لقيت نفسك نازلة على الميزان ممكن تزودي شوية الحاجات اللي بتحبيها ولكن بحدود.
مهم جدا مراقبة الوزن عشان ممكن الكيلو يجر كيلو ومن غير ماتشعر هاترجع اللى نقصته بسرعه .
لابد ان ناخذ فى الاعتبار ان التثبيت بيختلف من شخص لآخر حسب طبيعه النشاط وكمان طبيعه حالتك المزاجيه فى ناس بتحب تاكل لما تشبع فى هذه الحالة عند التثبيت اكتر من الاكل اللى بيشعرنى بالامتلاء زى السلطة والفاكهه اكتر من الانواع الاخرى لو بحب الحلويات اقلل من الكميات عشان احصل على قطعه شيكولاته وهكذا بعد فترة كل واحد بيعرف طبيعة جسمه واستجاباته والفيصل هو وزنك على الميزان.

محتاجه رد ضرورى انا بنت عمرى 23 سنه طولى 170 ووزنى 84 انا عملت انواع دايت كتييير ورحت لدكتور وكتب لى نوعين من الادويه فاتاشى وريجيتريم ساعتها كان وزنى فى ال90 وقليت وصلت ل84 بس انا مستمره على الادويه دي وبطلت اروح للدكتور وخايفه من استمرار الادويه دي انها تقصر عليه فى اى حاجه مع العلم انى قاعده فى البيت المجهود قليل بس خايفه من تاثير الادويه من فضلكم فيدونى ده فى خطر عليا ولا استمر كده انا اسفه انى طولت عليكم ارجوكم فيدونى وميرسى لاحلى موقع فى الدنيا.

===============

رد بص وطل:
الصديقة العزيزة بالنسبة لدواء الفاتاشى فهو مصنوع من مادة الشيتوزان وهى لا علاقة لها بالتخسيس أما بالنسبة لدواء ريجيتريم يساعد على رفع معدل الحرق فى الجسم وإسراع الإحساس بالشبع وهو دواء امن مالم تتواجد اى من موانع الاستعمال ولكن لابد من اتباع ريجيم مع الدواء وممارسة التمارين حتى ولو كانت رياضة بسيطة زي رياضة المشي أو طلوع السلم.

استكمالا لسؤالي السابق انا اعاني من ارتفاع في ضغط الدم من ساعة الحمل الاول من 13 سنة بس دلوقتي مش بيرتفع الا لما باتعصب؟ هل له علاقة بالسمنة؟ سؤال تاني بنتي عندها 9 سنوات ووزنها 40 كيلو.. هل تعاني من سمنة؟ وكيف اقيها من السمنة حتى لا تقع فيما وقعت فيه؟

==============

رد بص وطل:
أكيد زيادة الوزن بتزيد من فرص التعرض لارتفاع ضغط الدم ولكن مع تقليل الوزن وكذلك تقليل الملح في الطعام فإن نسبة الإصابة بارتفاع ضغط الدم بتقل.. أما بالنسبة لبنتك فياريت تبعتي لنا طولها علشان اقدر احدد إذا كانت فعلاً بتعاني من سمنة أم أن هذا الوزن مناسب مع طولها وعلشان تحميها من الإصابة بالسمنة لازم تحرصي إنك تاكليها أكل صحي ومتوازن يحتوي على نسبة دهون قليلة وكمان تكثري من الخضروات الطازجة زي الخيار والخس مع ضرورة تعويدها على ممارسة التمارين الرياضية من الصغر.

من فضلك يا دكتور انا عندي 37 سنة طولي 155 ووزني 90 يعني سمنة مفرطة عملت ريجيم كتير جدا جدا وكنت باخس وارجع تاني ودلوقتي مابقاش عندي ارادة خالص ابدأ ريجيم وحتى زمان لما كنت باعمل ريجيم كنت باخس بسرعة دلوقتي بيتهيأ لي الحرق عندي منتهي على الرغم من اني باشتغل وباتحرك سمعت ان المرأة بعد سن الاربعين صعب تخسر وزن صحيح الكلام دة؟ ارجوك عاوزة اخس لأني مش عارفة اخس ونفسيتي ساءت لاني باحب الموضة والاناقة وجسمي مش مساعدني على كده مش بالاقي مقاسي بسهولة ولو لقيت مش بيبقى حلو فيا.. على فكرة الريجيم الكيميائي مش بالتزم بيه ولو التزمت بيجيب لي اكتئاب وبارجع بعده أكل وازيد تاني انا عاوزة ريجيم متوازن عشان ما يجيليش تجاعيد في وجهي نظرا لسني وشكرا.

=============

رد بص وطل:
الصديقة العزيزة لازم يكون عندك إرادة وصبر علشان تقدري تخسري وزنك وتوصلي للوزن الصحي ولازم تروحي لدكتور علشان تعملي بعض التحاليل لمعرفة سبب السمنة اللي عندك وبالتالي يقدر يديكي النظام الغذائي الصحي والمتوازن المناسب لطبيعة جسمك ويمكنك أيضاً الإستعانة بالدواء لزيادة نسبة الحرق زي دواء "ميريديا" وهو دواء آمن مالم تتواجد أى من موانع للاستعمال ومادام تحت اشراف الطبيب المتخصص.

سلام عليكم ورحمة الله وبركاته ممكن يا دكتور مساعدتك انا عندى مشكله اولا انا عندى 21 سنه انا عملت ريجيم فتره حوالى 3 شهور ولكن جسمي من الصعب تخسيسه عندى احباط لان وزنى كان 85 واصبح 80 انا عاوزه الحل طولى 165.

=================

رد بص وطل:
الصديقة العزيزة أولاً لازم تعرفي إن الوزن الصحي المناسب مع طولك يتراوح بين 54 إلى 68 كيلو.. وعلشان توصلي للوزن ده لازم يكون عندك صبر وإرادة قوية وياريت تستشيري دكتور متخصص في علاج السمنة علشان يديكي الريجيم الصحي المناسب مع طبيعة جسمك وكمان الدواء المناسب لو كنتي في حاجة لمساعدة جسمك بالدواء ده إلى جانب ممارسة التمارين الرياضية بانتظام حتى لو كانت رياضة المشي لمدة ساعة كل يوم.

السلام عليكم انا عندى 23 سنه ووزنى 90 وطولى 154 ونفسى انزل بس با امشى على ريجيم وبرجع تانى فى نفس الوزن وعاوزه نظام امشى عليه علشان اخس من حضرتك بس انا مش بخرج وممكن يكون عندى اراده انى انزل بس مش بعرف امشى على اى نظام كده فى ممكن اتابع مع حضرتك على نظام ريجيم وشكرا.

==============

رد بص وطل:
الصديقة العزيزة ياريت تتابعينا وإن شاء الله قريب جداً هتلاقي أنظمة ريجيم على موقع بص وطل.

والله يا دكتور انا قصيرة اوى يعنى 150سم, ووزنى 68 كنت فى بداية سنة 2009, 59 كم بس روحت لدكتور وزدت عنده 2 كيلو فى شهرين , طبعا سبته.. حاليا نويت انى اروح جيم بعد العيد وده عشان عندى دهون فى منطقة البطن والارداف.. وكمان العب عقله عشان موضوع الطول اللى عامل لى ازعاج ده..
دلوقتى حضرتك بتقول على ادوية مساعدة بجانب النظام الغذائى والرياضة, زى مثلا (الميريديا& slimax 10 & سيبوتريم) ايه احسنهم, طب ممكن اخدهم سوا وبكده اخس بسرعة مع الجيم والنظام الغذائى.. وشكرا لحضرتك..

========================

رد بص وطل:
الصديقة العزيزة أي دواء منهم كافي مش لازم تاخديهم مع بعض بس لازم تتأكدي في الأول إن ماعندكيش اي موانع طبية من استعمال أي من هذه الأدوية زي ارتفاع ضغط الدم مثلاً.

انا كنت عايزه اعرف انا محتاجه اخس اد ايه؟ انا طولى 165 ووزنى 56

===================

رد بص وطل:
الصديقة العزيزة إنتي مش محتاجة تخسي خالص لإن وزنك مثالي جداً ومناسب مع طولك كل اللي عليكي إنك تحافظي على وزنك وتثبتيه.

انا طولى 165 ووزنى 73.. كنت فى الاول 87 وانا عندى 16 سنة بس انا لما خسيت مش كل جسمى خس فأنا عايزة اعرف لو عملت اللف التنحيفى ده ومشيت على نظام اكل معين على طول.. يعنى يفضل وزنى ثابت يا ترى برضه الدهون دى هترجع تانى.

=====================

رد بص وطل:
مع المحافظة على تناول الأكل الصحي والمتوازن والحرص على ممارسة التمارين الرياضية بانتظام الدهون مش هترجع تاني.

انا عندى سؤال انا بسمع ان بدلة الساونا مش بتجيب نتيجة لو لبستها من غير ما اعمل مجهود و انا جبت بدلة ساونا و مش بلبسها الا وانا بلعب رياضة يا ترى فى الحالة دى ممكن تجيب نتيجةايجابية معايا ولا لأ؟؟؟

========================

رد بص وطل:
الصديقة العزيزة الرياضة بشكل عام مفيدة وصحية جداً للجسم وضرورية في عملية انقاص الوزن ومفيش مشكلة من ممارسة الرياضة مع ارتداء بدلة الساونا.

انا بنتى عندها 14 سنه ووزنها 61 كيلو وليها كرش ارجوكم ياجماعه تقولوا لى حل لأن ده مأثر على نفسية البنت

=========================

رد بص وطل:
الحل هو ممارسة التمارين الرياضية الخاصة بشد عضلات البطن تحت إشراف مدرب رياضي.

انا وزنى 61 كيلو وليا كرش كبير اتمنى حل لمشكلتى ضرورى

=====================

رد بص وطل:
الحل هو ممارسة التمارين الرياضية الخاصة بشد عضلات البطن تحت إشراف مدرب رياضي.

انا وزنى 69 و طولى 160 لو سمحت عايزة اعرف المفروض اخس قد اية وكمان عايزة اخد ادوية تخلينى شبعانة بس من غير ما اروح عند دكتور.

=====================

رد بص وطل:
الوزن الصحي اللي المفروض تكوني عليه يتراوح بين 50 إلى 64 كيلو جرام.. وعلشان تخسري الوزن ده لازم تمارسي رياضة وتقللي كميات أكلك وممكن تستعملي دواء زي الميريديا.

يادكتور انا وزنى 73 بقاله فتره ولا بينزل ولا يطلع ثابت على كده وطولى 158 نفسى اخس شويه انا بستعمل سيبوتريم لسه مخلصه اول شريط النهارده وكده كده انا اكلى قليل اتمنى الافاده.

=======================

رد بص وطل:
الصديقة العزيزة هذه الأدوية لها تأثير كويس في مجال التخسيس وتساعد الإنسان على فقد الشهية أو إذابة الدهون ولكن ممكن يبقى لها أعراض جانبية بسيطة لكن مش مع كل الناس.
أما بالنسبة لثبات وزنك فأحب اقول لك إن بعض الناس بتتبع نظام ريجيم واحد لمده طويله متخيله انه صح او متبعه نظام فى الاكل مرتاحه عليه وفى هذا النظام لخبطه وهو لا يعرفها وبيكررها طول الوقت فالوزن بيثبت عند رقم معين ولا يتحرك او قد يزيد الوزن المريض.
والحل.. التأكد ان النظام المتبع صح وثانيا تسجيل كل حاجه بناكلها – حتى الشاى والقهوة اى حاجه بتدخل المعده - فى جدول لمده اسبوع وعرضها على متخصص عشان يقدر يحدد فين اللخبطه بالتحديد.
لو استمر الوزن ثابت نلجأ الى مساعدة الجسم بالدواء يسرع عملية الحرق التى تختلف من شخص لاخر.
لو بعد الالتزام والدواء المشكله مستمرة ممكن نجرى تحليل هرمونات لان قد يكون هناك لخبطه فى الهرمونات او فى مشكلة ما تسبب زيادة الوزن او تمنع انقاص الوزن.

السلام عليكم ورحمة الله وبركاته لو سمحت يا دكتور انا كنت عايزة اعرف شرب الميه السخنه صحيح بيساعد على التخسيس وكمان لما بيكون عليها ليمون بس انا كمان سمعت انها ممكن تؤذى الكبد الكلام ده صحيح؟

=================

رد بص وطل:
الصديقة العزيزة أحب أقول لك إن شرب المياه فقط اثناء التخسيس مفيد جدا حتى اذا كان اثناء الاكل لانه بيساعد على سرعة امتلاء المعدة وبحسب دراسة اجريت عام 2008 إنها بترفع معدل الحرق فى الجسم بسبب غير معروف، كما انه لا يؤدى الى ظهور الكرش كما يعتقد البعض.

لو سمحت يا دكتور محمد.. انا شاب عمرى 21 عام ووزنى 56 كجم وطولى 166 سم.. وانا اكلى كله صحى وقائم على الهرم الغذائى وانا افكر فى ممارسة رياضة تحافظ على شيب جسمى مدى الحياة.. فهل رياضة المشى تفى بالغرض؟!.. وشكرا.

==================

رد بص وطل:
الصديق العزيز نحييك على رغبتك في الإحتفاظ بالوزن الصحي.. وبالنسبة لسؤالك فرياضة المشي مفيدة جداً وتفي بالغرض كما أنها تعمل على شد الجسم وتقليل الوزن وزيادة معدل الحرق.

انا عندي 17 وزني 64 كيلو و طولي 153 سم ونفسي اخس اعمل ايه؟ ومش من امكانياتي اروح لدكتور وعايزة اخس من عند البطن.

======================

رد بص وطل:
الصديقة العزيزة.. لازم تعرفي إن الوزن الصحي والمناسب لطولك يتراوح بين 46 إلى 58 كيلو جرام وده ريجيم بإمكانيات قليلة ممكن تمشي عليه
• الصبح: 1/2 رغيف بلدى مع فول او جبنة قريش او 2 ملعقة مربى
• الغداء: لحوم+ سلاطة+ خضار
• العشاء: فاكهة.
أما بالنسبة لمشكلة البطن فدي حلها هو ممارسة التمارين الرياضية.

السلام عليكم دكتور انا عندى مشكلتين وبليز عايزة حل ضرورى انا عندى 23 سنة وزنى 69 كليو وطولى 168سم نفسى انزل وعايزة ريجيم صحى وامن وسريع وكمان عندى مشكلة تانية هى الكرش بطنى بقت طالعة اوى وده بيضايقنى لما بلبس اى حاجة دكتور من فضلك عايزة حل سريع جدا وبليز هو الوزن المثالى على طولي كام؟

=======================

رد بص وطل:
الصديقة لعزيزة الوزن المثالي والصحي المناسب مع طولك يتراوح بين 55 – 70 كيلو جرام.
وهذا يعني أنك مازلتي في الحدود الصحية لوزنك ولكن عليك بالمحافظة على هذا الوزن ويمكنك تناول الخضروات والسلطة لإنها تعطي إحساس بالشبع بدون أن تؤثر على الوزن.
أما بالنسبة لمشكلة تركز الدهون في منطقة البطن، فالرياضة هي أنسب حل لهذه المشكلة أو يمكنك استشارة جراح تجميل لمعرفة أفضل وسيلة لكي تصلي للشكل الذي تريدينه.

السلام عليكم: انا وزنى 100 ك و طولى 165 و مش بخرج وجسمى بيزيد وعلى طول جعانة ومش بعرف اعمل ريجيم عاوزة حاجة تساعدنى على الشبع لان رجلى و ظهرى ابتدوا يتعبونى من الوزن الزايد.

==========================

رد بص وطل:
الصديقة العزيزة لابد من اتباع نظام غذائي صحي تحت إشراف دكتور متخصص، وعند الإحساس بضعف الإرادة يمكن الاستعانة بالادوية مثل meridian الذي يساعد على سرعة الاحساس بالشبع ولكن لازم يكون تحت إشراف طبي.

السلام عليكم دكتور محمد.. أنا عندي سؤال بخصوص ترهلات البطن نتيجة الحمل، والخطوط البيضاء في الجلد في نفس المنطقة.. ما هي انسب طريقة للتخلص منها بعد الولادة؟
وهل هناك طريقة يمكن تكرارها بدون مشاكل إذا تكرر الحمل والولادة مرة اخرى؟ فأنا اعرف ان عمليات شد الجلد مثلا لا يجب اجراؤها إذا كان هناك نية للحمل مرة اخرى.
و ما هو انسب نظام غذائي للمرضعة بحيث تتخلص من الوزن الزائد بدون تأثير على لبن الرضاعة؟ و متى يمكن أن تبدأ فيه بعد الولادة.. شكرا لسعة صدرك.

=========================

رد بص وطل:
الصديقة العزيزة بالنسبة لعلاج الترهلات فلابد من ممارسة الرياضة وطبعا تقدري تعملي الرياضة المناسبة لامكانياتك وقدراتك المادية والمتاح امامك وان كان يفضل ان تكون تمرينات شد الترهلات مع مدرب رياضى لو كان ذلك ممكنا لكن مجرد المشى الجاد اليومى لمده ساعة كفيل بشد الجسم لكن بعد فترة من الالتزام والمواظبه على المشى.
اما بالنسبة للخطوط البيضاء او الـــ Strech Mark's فهناك بعض الكريمات تساعد على الاسراع من أختفاء الـ Strech Mark's وان كانت فى الغالب ما تختفى تدريجياً ولكن بشكل غير كامل بنسبة 90% تقريباً سواء مع او بدون استخدام الكريمات، وبالنسبة لنوع الكريم الأمن والمفيد فيجب مراجعة طبيب الامراض الجلدية فى هذا الشأن.

أما بالنسبة للريجيم مع الرضاعة فلابد ان يكون نظام غذائى متوازن تحت إشراف دكتور وتنزلي بالكثير 4 كيلو فى الشهر مع إضافة بعض الزيوت ولبن خالى الدسم وخضروات ورقية وفاكهة والإكثار من السوائل.

إزيك يا دكتور أنا وزنى 60 كيلو وأنا حامل فى الشهر السابع وكان وزنى أول الحمل 48 كيلو يعنى أنا زدت 12 كيلو لحد دلوقتى و مش عارفة أخس و قللت أكلى و باكل سلطة وفاكهة كتير وأنا بزيد بمعدل 3 كيلو كل أسبوع ومش عارفة أعمل ايه؟

========================

رد بص وطل:
الصديقة العزيزة بالنسبة للحمل فالوزن يزيد طبيعياً بمعدل كيلو فى الشهر لذا فما هو أكثر من ذلك عبارة عن دهون زائدة ويمكن اتباع نظام ريجيم متوازن للمحافظة على هذا المعدل مع اضافة فاكهة بين الوجبات وبعض النشويات ولبن خالى الدسم مع متابعة حالة الجنين بانتظام.

ازيك يا دكتور بليز رد عليا انا وزنى 93 وطولى 175 وعايزة دايت امشى عليه ويعمل نتيجة.

====================

رد بص وطل:
الصديقة العزيزة.. لازم تتابعي مع دكتور علشان تعملي بعض التحاليل اللي يقدر عن طريقها يحدد سبب السمنة اللي عندك ويتمكن من إعطاؤك الريجيم والدواء المناسب للحالة، وكمان لازم تعرفي إن الفاكهة والخضراوات والسلاطة تعطي إحساس بالشبع ومعظمها سعراتها الحرارية قليلة.

مشكلتي اني بقالي 4 شهور مش بتحرك من البيت عشان امتحانات البكالريوس بتاعتي الاسبوع الجاي و هخلص يوم 10 يناير في الفترة دي تخنت وهدومي ضاقت عليا جدا.. انا عندي 24 سنة و طولي 157 سم ووزني كان 54 كيلو قبل ما اعد في البيت.. دلوقتي وزني 58 بس فارق معايا اوي ال 4 كيلو دول خصوصا في منطقة البطن و الصدر هما الي عاملين لي مشكلة بطني حجمها بقي غريب جدا ومتضخمة من اسفل الصدر علي طول زي ما تكون فيها بالونة ولما بشفطها بيبقي شكلها عادي من فوق بس في شوية دهونsuprapubic.. المشكلة ان انا كنت نفسي اتخن من منطقة الارداف والرجلين وعاوزة ارجع اخس تاني بعد الامتحانات بالذات منطقة البطن و الصدر.. فهل مفروض اعتمد علي الرياضة تماما ولا لازم رياضة وريجيم ولازم اخس من كل حتة؟ومفروض استمر علي نظام اد ايه؟

==========================

رد بص وطل:
الصديقة العزيزة أولاً لازم تعرفي إن الوزن الصحي المناسب مع طولك يتراوح بين 48 إلى 61 كيلو يعني إنتي بكده لسه في الحدود الصحية لوزنك..
أما بالنسبة لمشكلة السمنة الموضعية أو تركز الدهون في منطقة معينة من الجسم فدي حلها هو ممارسة الرياضة.

مش عارفه اخس خالص انا وزنى 100 وطولى 160 وعمرى 24 وكل ما اتابع مع دكتور بفشل مع ان معدل الحرق عندى عالى ومش عارفه اتابع حوالى شهر وارجع تانى زى الاول ويمكن اكتر اعمل ايه افيدونى.

========================

رد بص وطل:
عند ضعف الإرادة يمكن الاستعانة بالادوية مثل meridian يساعد على سرعة الاحساس بالشبع ولكن تحت إشراف الدكتور المتابع للحالة.

السلام عليكم.. انا كنت عاوزة اعرف نظام ريجيم كويس وكنت عاوزة اعرف هو شرب الميه السخنه بيخسس ولا لا واعشاب الشمر بتشد الجسم ولا لا وشرب الليمون الدافى على الريق وقبل النوم بردو بيخسس؟ وياريت لو حضرتك قولت لى نظام ريجيم بس انا فى منطقة ريف فمش عندنا الامكانيات الكتير.. ثانكس.

========================

رد بص وطل:
الصديقة العزيزة.. ده نظام ريجيم بامكانيات قليلة ممكن تمشي عليه
• الصبح: 1/2 رغيف بلدى مع فول او جبنة قريش او 2 ملعقة مربى
• الغداء: لحوم+ سلاطة+ خضار
• العشاء: فاكهة.

أما بالنسبة لشرب الماء العادي اثناء التخسيس فهو مفيد جدا حتى اذا كان اثناء الاكل لانه بيساعد على سرعة امتلاء المعدة وبحسب دراسة اجريت عام 2008 ترفع معدل الحرق فى الجسم بسبب غير معروف، كما انه لا يؤدى الى ظهور الكرش كما يعتقد البعض.
أما بالنسبة لباقي المشروبات زي الليمون فتكثر الإدعاءات الخاصة بتناول مشروبات وأكلات مختلفة تساعد على التخلص من الوزن الزائد أو العكس، ولكن حتى الآن لا توجد دلائل علمية دامغة على فائدة أو ضرر هذه المشروبات بالنسبة للوزن.
أما بالنسبة للأعشاب فهي تمنع امتصاص الكثير من المواد الغذائية وبالتالى قد تساعد على فقدان الوزن ولكنها قد تضر الجسم.

انا نفسى اخس بس مش عارف انا طولى 165 وزنى 98 اعمل ايه عشان اخس انا بعمل تمارين مافيش فايدة.

=====================

رد بص وطل:
المهم فى فقدان الوزن هو الاكل الصحى مع الرياضة بالتالى من السهل النزول فى الوزن مع اتباع نظام غذائى معتدل تحت إشراف طبي حيث يتم نزول الوزن بمعدل صحى دون حرمان الجسم من العناصر الاساسية للوظائف المختلفة مثل البروتينات والنشويات والاملاح والمعادن وقليل من الدهون.

السلام عليكم وزنى 90 وطولى 157 وحامل فى البداية عايزة نظام غذائى أمشى عليه بحيث ما يزيدش وزنى عن كده و عند الولادة إن شاء الله يكون وزنى أقل من دلوقتى.. ولكم جزيل الشكر.

========================

رد بص وطل:
الصديقة العزيزة لازم تعرفي إن بالنسبة للحمل فالوزن بيزيد طبيعياً بمعدل كيلو فى الشهر لذا فما هو أكثر من ذلك عبارة عن دهون زائدة ويمكن اتباع نظام ريجيم متوازن للمحافظة على هذا المعدل مع اضافة فاكهة بين الوجبات وبعض النشويات ولبن خالى الدسم ولازم تتابعي الريجيم تحت إشراف دكتور متخصص مع متابعة حالة الجنين باستمرار.

لو سمحت يا دكتور انا عندى 23 سنة ووزنى 65 وطولى 155 سم ماعملتش اى نظام ريجيم بس انا عندى انيميا هل الاورليستات كويس اخده ولا لأ؟ والمفروض اخس اد ايه علشان يبقى الوزن مناسب ارجو الرد شكرا.

====================

رد بص وطل:
الصديقة العزيزة
بالنسبة لسؤالك عن دواء اورليستات فهو دواء هام وتأثيره كويس جداً لكن محتاج نظام غذائي معاه ولازم تاخديه تحت إشراف طبي وكمان لازم تعالجي مشكلة الانيميا.. والوزن الصحي المناسب مع طولك ييتراوح بين 47 إلى 63 كيلو.

سلام عليكم.. من فضلك يا دكتور أنا طولى 163 ووزنى 79 كجم وعندى منطقة الافخاد والبطن زايدين اوى ومحتاجة أخس جدا بس مش عارفة أعمل ايه وأى ريجيم يناسب حالتى.. أرجوك ساعدنى.. شكرا جزيلا.

======================

رد بص وطل:
الصديقة العزيزة.. لابد من استشارة دكتور متخصص لعمل التحاليل اللازمة لمعرفة أسباب السمنة عندك واعطاؤك الريجيم والدواء المناسب لطبيعة جسمك.
أما بالنسبة لمشكلة السمنة الموضعية فدي حلها هو ممارسة التمارين الرياضية أو اللجوء لعمليات شفط الدهون.

انا عايز اعرف هو شرب الماء وسط الاكل بيعمل كرش ولا الكلام ده غلط ولا ده صح يا ريت اعرف؟

===================

رد بص وطل:
أكيد الكلام ده غلط وشرب الماء مفيد جداً للصحة العامة والكلى والقلب وجميع أجزاء الجسم إلى جانب أن شرب الماء يساعد على عملية التخسيس.

أنا عندي مشكلة في منطقة البطن والجناب... أنا من تحت جسمي كويس مشكلتي بس في فوق البطن و الجناب مش عارفة أعمل ايه؟؟؟أنا طولي 171 ووزني 69..

======================

رد بص وطل:
لا يوجد ريجيم خاص بتخسيس مناطق معينة في الجسم والحل الأمثل لهذه المشكلة هي ممارسة التمارين الرياضية الخاصة بشد عضلات هذه المناطق من الجسم.

السلام عليكم ورحمة الله وبركاته, لو سمحت يا دكتور انا عندى 16 سنه وطولى 162 ووزنى حوالى 68 كنت عايزه اعرف انا مفروض اخس قد ايه بالظبط وياريت لو فى صور لتمارين الافخاذ والارداف والبطن وشكرا جدا.

=========================

رد بص وطل:
الوزن الصحي المناسب مع طولك يتراوح بين 52 إلى 65 كيلو.. ونوعدك بعمل عدد عن التمارين الرياضية الخاصة بتخسيس مناطق مختلفة من الجسم ويمكنك عمل هذه التمارين تحت إشراف مدرب رياضي.

السلام عليكم ورحمه الله وبركاته من فضلك يا دكتور كنت عايزه اسال على كم حاجه كده انا كان وزني 73 وتابعت مع دكتور ونزلت بالريجيم والرياضه معا الى 62 كيلو وعملت تثبيت لكن دلوقتي زدت مش عارفه ليه؟ هل كان فيه خطأ بعمله في الريجيم؟ او الخطأ في التثبيت؟ ولا لما رجعت اكل بعد كده هو السبب لاني رجعت ل70 كيلو يعني زدت 8 كيلو بعد التثبيت؟؟؟؟ وهل الزنجبيل والقرفه مع بعض زي وصفه كده تنفع للتخسيس زي مابنسمع ولا لأ؟مع العلم انا وزني 70 وطولي 161
ارجو اني مكنش ازعجتكم.. ولكم جزيل الشكر.

=====================

رد بص وطل:
صديقتنا العزيزة.. المشكله اننا نمارس عادات فى الاكل لما بنعمل ريجيم بنوقفها وبمجرد ما نتوقف عن الريجيم بنرجع مرة تانيه لكل عادتنا الغذائية السيئة ونعوض ايام الحرمان باكل كميات هائلة من كل حاجه كنا محرومين منها وقت الريجيم وخاصة لو ما عملتيش تثبيت وبصراحه خسارة التعب اللى تعبتيه يروح على الفاضى.. وهو ده سبب اننا بنرجع بسرعه وأكتر من الاول يعنى لو خسرنا خمسة كيلو ممكن نرجعهم عشرة لو لم نثبت الوزن.

والتثبيت هو ان تحصلي على سعرات توازي المجهود المبذول يوميا وان تراقبي ما تأكلي بعد التوقف عن الريجيم ومن المفترض إنك خلال فترة الريجيم تتعلمي طريقة الأكل الصح وتعودي نفسك عليها ويبقى ده اسلوب حياتك على طول .. صحيح مش معقول إنك هتعيشي طول حياتك تعملي ريجيم أو تتابعي مع دكتوروعلشان تعملي تثبيت لوزنك ففيه أكثر من شكل للتثبيت إما إنك تقللي كميات اكلك يعنى تاكلي كل حاجة لكن بكميات اقل مع الرياضة اليومية المتاحة، والطريقة التانية إنك تعملي توازن يعني لو يوم خرجت مع صحابك وهتاخدي راحتك فى الاكل اليوم اللى بعده تمشى على الريجيم، ولو لخبطي فى الاكل يومين اليومين اللى بعدهم اعملي ريجيم وهكذا.
واهم حاجة إنك توزني نفسك على الاقل مرة كل اسبوعين علشان لو لقيتي نفسك وزنك زاد تقللي فى الوجبات الحرة خلال الاسبوع يعني لو محددة ثلاث وجبات فى الاسبوع قلليهم لوجبه واحده اواتنين ولو بدأتِ تاكلِ قطعتين شيكولاته فى اليوم خليهم قطعه واحده كل يومين وهكذا، ولو لقيت نفسك نازلة على الميزان ممكن تزودي شوية الحاجات اللي بتحبيها ولكن بحدود.
مهم جدا مراقبة الوزن عشان ممكن الكيلو يجر كيلو ومن غير ماتشعر هاترجع اللى نقصته بسرعه.

لو سمحت يا دكتور انا عايزة حضرتك تعمل عدد خاص عن علاج النحافة وطرق زيادة الوزن وخاصه لو كانت الاسباب مش مرضية او وراثية واسماء بعض الادويه اللى بتساعد على فتح الشهية علشان دى مشكله بتؤرقنى اوى انا عندى 20 سنة ووزنى 42 وطولي 155 ياريت الرد ضروررروى وميرسى لحضرتك مقدما

===================

رد بص وطل:
صديقتنا العزيزة نوعدك إننا نعمل لك عدد نتكلم فيه عن النحافة بكل أنواعها ولو إنتي متأكدة إن مفيش أي أسباب عضوية لمشكلة النحافة اللي عندك ممكن تستعملي دواء اسمه Mosegor

لو سمحت انا جسمى كويس ما عدا بطنى كبرت شوية واتقسمت لبطنين وبقى شكلها مضايقنى والرياضة صعبة مش عارفة اعمل ريجيم ولا ايه وهو فى ريجيم للبطن بس.

=======================

رد بص وطل:
صديقتنا العزيزة لا يوجد ريجيم لمكان معين في الجسم أو للسمنة الموضعية.. التمارين الرياضية أكثر فائدة وأسرع في ظهور النتيجة. أو ممكن تلجأي لعمليات شفط الدهون.

انا وزني 70 وطولي 161 عاوزه اخس 10 كيلو ياريت تساعدني.

===============

رد بص وطل:
الصديقة العزيزة الموضع بسيط جداً كل اللي عليكي إنك تتابعي نظام غذائي مناسب لطبيعة جسمك تحت إشراف دكتور التغذية مع ممارسة الرياضة بانتظام.

السلام عليكم ورحمة الله وبركاته
انا متابعه لمواضيع الريجيم وتعجبني جدا ردودك المفيده يا دكتور بجد الف شكر على مساعدتك لينا.
انا عمري 18 سنه ووزني 47 طولي 158
عندي سؤالين اول سؤال : هل ممكن يأثر طول الشعر على الوزن لان انا شعري طويل جدا بيوصل تقريبا لركبي , وامي بتقولي ان نحافتي سببها ان شعري طويل وبيحتاج تغذيه كتير؟
تاني سؤال لحضرتك هو انا نباتيه وبحس بوجع خفيف احيانا في ظهري لما بشيل حاجات تقيله او لما بنحني فهل ده سببه ان نظامي الغذائي خالي من اللحوم ؟ والف شكر

==============

رد بص وطل:
الصديقة العزيزة طول الشعر لا يؤثر على الوزن.. وبالنسبة لآلام الظهر فلا علاقة لها بالنظام الغذائي ويمكنك استشارة د.عماد أخصائي العلاج الطبيعي ورقم تليفونه 0101361302

لو سمحت يا دكتور انا نفسى ازيد اوى فى بعض الاماكن ان عوزاها تكبر مثل منطقة الصدر ياريت رد يا دكتور انا 19 سنة الوزن 52 كيلو.

===================

رد بص وطل:
يفضل إستشارة دكتور تجميل متخصص.

انا عمري 23 و طولي 176 ووزني 92 و عندي نقص في افراز هرمون الغدة الدرقية و عاوز حضرتك تقول لي علي ريجيم ممكن اتابعه و يكون مناسب لحالتي مع العلم اني منتظمة علي العلاج لكني بحس اني مش عارفة اخس بالرغم من عدم تناولي الطعام بكثرة وشكرا.

=======================

رد بص وطل:
لابد من اتباع ريجيم تحت إشراف دكتور التغذية ودكتور الغدد.

بجد محتاجة لرد انا طولى 167سم ووزنى تقريبا 69 بس جسمى كويس بس بعانى جدا من كبر حجم الثدى ياريت بجد اقى حل وسالت جراح قالى مش هينفع نلعب فى الهرمونات.
ملحوظة: انا فتاة عذراء عندى 18 سنة ميرسى لاجمل موقع.

====================

رد بص وطل:
الصديقة العزيزة.. لازم تستشيري دكتور تجميل متخصص علشان يقدر يقول لك على الطريقة المناسبة من غير لعب في الهرمونات.

انا كان وزني 73 ونزلت بالريجيم والأبر الصينية حوالي 12 ك في شهر ونصف بس المشكلة ان منطقة البطن لسه مليانة وكل جسمي حلو ممكن حل لهذه المشكلة.

=====================

رد بص وطل:
الحل للمشكلة دي هو ممارسة التمارين الرياضية تحت إشراف مدرب رياضي أو ممكن تعمليها في البيت.

انا وزنى 100 كيلو وطولى 195 سنتيمتر المشكله عندى مقدرش اخد نفسى بحس بخنق افضل وقت باخد نفسى فيه وانا نايم ولما اصحى من النوم باقى الوقت مقدرش اخد نفسى وعملت تحليل دم وصدر انا عندى انيميا ارجور الرد علشان انا اتخنقت.

=============

رد بص وطل:
لابد من الإكثار من تناول العسل الأسود والكبده والسبانخ وتناول أقراص حديد لعلاج الأنيميا ويعاد عمل التحليل بعد شهر.

انا كمان عندى السكر وعندى 15 سنة وعملت ريجيم كان وزنى 63 وطولى 155 والحمد لله وصلت ل 57 ولسه هنزل ان شاء الله كمان وعلى فكرة انا ماكنتش متابعة مع دكتور ريجيم ونزلت 6 كيلو بس كنت بقلل فى كمية الانسولين اللى باخدها.