الرئيسية > صحة وجمال > اخسر وزنك > د. محمد أبو الغيط: ما هي مواصفات الريجيم الصحيح؟!

د. محمد أبو الغيط: ما هي مواصفات الريجيم الصحيح؟!

ما هي مواصفات الريجيم الصحيح؟!

السلام عليكم.. عندي سؤال لدكتور محمد، أنا باعمل رجيم وبحب جدا مشروب الزبادي اللايت بالفواكه  خوخ، هل النوع ده من الزبادي فيه سعرات عالية؟ عشان أنا لازم أشرب 2 أو 3 في اليوم؛ لأن القولون عندي فيه مشاكل وباحس لما باشربه إنه بيريحني بس سمعت إنه فيه سعرات مع إنه لايت.

 

الصديقة العزيزة.. المفروض دائماً إننا نقرأ المعلومات المكتوبة على العبوة زي القيمة الغذائية  للمنتج الغذائي وهكذا..  لو وزنك في حدود 70 لـ80 كيلو جرام  فده معناه إنك ممكن تاخدي 2 عبوة في الحجم الصغير يومياً وده على حساب منتجات الألبان الأخرى، لأن المسموح لك يومياً هيبقى وحدتين ألبان فقط.

 

وعلى العموم أي حاجة بتاكليها أو بتشربيها فيها سعرات حرارية حتى ولو كانت لايت، الحاجة الوحيدة اللي ما فيهاش سعرات حرارية هي المياه والشاي والقهوة لو كانوا سادة.

 

هاي.. أنا كنت عايزة أسأل الدكتور شوية أسئلة عشان هابتدي دايت.. أنا طولي 168 ووزني 73 أنا هابتدي دايت الهرم الغذائي بس كنت عايزة أعرف..

أولا: هو أنا ممكن أجيب لبن من اللبان وأغليه وأسقعه وأشيل القشطة يبقى كده لبن خالي الدسم.

وثانيا: سَلطة الدايت عبارة عن إيه بالظبط؟

وثالثا: عايزة أعرف هو لو عملت دايت صح أخس قد إيه في الأسبوع؟

وآخر حاجة: أنا جسمي كويس بس تخينة من الأرداف والجناب شوية وعندي ترهلات بسيطة في رجلي وعايزة أعرف هو الدايت والرياضة ممكن يشدوا رجلي ولا أعمل إيه عشان رجلي تبقى مشدودة؟ وميرسي لأحلى موقع في الدنيا.

 

 الصديقة العزيزة…

1. أولاً اللبن خالي الدسم له مواصفات خاصة ولا يمكن إنه يتعمل في المنزل ولابد من شرائه من إحدى الشركات المعترف بها.

 

2. السلطة ممنوع فيها الجزر والبصل والفلفل والبنجر واللفت الأحمر والـdressing.

 

3. التخسيس في الشهر يكون من 3 – 8 كجم وهذا أنسب وزن ممكن تفقديه علشان الصحة العامة.

 

4. الدايت ممكن يخسس بعض المناطق لكن الشد محتاج رياضة ودي بتاخد وقت طويل أو تلجئي للعمليات الجراحية.

 

إزيكم يا “بص وطل”.. أنا لي سؤال.. أنا كنت متابعة مع دكتور بس فيه أدوية مثل سبوتريم & يو بي كت مش عارفة الأدوية غلط وهل لها أي تأثير عشان عندي أنيميا؟

 

صديقة “بص وطل” العزيزة… الأدوية ليس لها علاقة بالأنيميا، وهذه الأدوية لها تأثير جيد في مجال التخسيس وتساعد الإنسان على فقد الشهية أو إذابة الدهون ولكن ممكن يبقى لها أعراض جانبية بسيطة لكن مش مع كل الناس.

 

السلام عليكم كنت عايزة أسأل عن  الميزوثيرابي، حيث إن جمسي عريض ومليان شوية بس المشكلة اللي عاوزة أعالجها بجد هي إن عندي مشكلة في إن جسمي من تحت مليان ومترهل قليلا وقد سمعت أن الحقن بالميزوثيرابي قد يعالج هذا. فهل هذا صحيح؟ وهل صحيح أنه يعالج ذلك ولا يعود الجسم كما كان بعد فترة؟ أرجوكم انصحوني لعلاج هذه المشكلة فأنا مقبلة على الزواج.

 

الصديقة العزيزة…

1. الدهون المتراكمة في مكان واحد تحتاج إلى نظام غذائي ورياضة ويمكن عملية جراحية.

 

2. الميزوثيرابي تساعد على إذابة الدهون لكن تفضل في الجسم فتحتاج إلى ريجيم حتى تتخلصي منها.

 

3. أيضاً لابد أن تكون الدهون مش كثيرة علشان يكون فيه استجابة.