الرئيسية > صحة وجمال > قمر 14 > ماسكات طبيعية لعلاج تساقط الشعر والصلع غير الوراثي

ماسكات طبيعية لعلاج تساقط الشعر والصلع غير الوراثي

جمالك من الطبيعة مع رانيا

أهلا بكل بنات “قمر 14″ في حلقة جديدة من حلقات “جمالك من الطبيعة مع رانيا”..
النهارده هنقدّم ماسكات لتساقط الشعر ولعلاج الصلع غير الوراثي..

 

*****************


زيت البصل لعلاج الصلع غير الوراثي
المقادير:

  • ملعقة عسل نحل
  • ملعقة زيت بصل

الطريقة:
اخلطي المكونات مع بعضها، ووزّعي الخليط على جذور الشعر، وسيبيه لمدة ساعة بالكتير، وبعد كده اغسلي شعرك بالشامبو.

 

ماسك الحلبة بالزبادي
المقادير:

  • ملعقة كبيرة حلبة مطحونة
  • ملعقتين أو ثلاثة كبيرة زبادي

الطريقة:
اخلطي المكونات مع بعضها وقلّبيهم مع بعض كويس أوي، لحد ما الخليط يبقى عامل زي العجينة، وبعد كده وزّعيه على جذور الشعر وباقي الشعر كله، وممكن تعملي الماسك ده مرتين في الأسبوع لمدة من 30 : 60 دقيقة بالكتير.

 

ماسك الحلبة
المقادير:

  • 5 ملعقة كبيرة حلبة مطحونة
  • ملعقة كبيرة عشبة الكاموميل
  • كوب مية سخنة
  • ملعقة كبيرة ردة

الطريقة:
اغلي الميه مع الحلبة، وقلّبيهم كويس مع بعض على النار، وبعد كده ضيفي عليها الكاموميل، وبعد كده ضيفي الردة، وسيبيهم على النار لمدة ربع ساعة أو لحد ما الخليط يبقى لزج، وبعد كده هنصفّيه، ونضيف عليه ملعقة عسل نحل، وبعدين استخدمي الماسك ده على جذور الشعر وسيبيه لمدة 30 دقيقة وبعد كده اغسليه.

 

ولغاية هنا تكون خلصت حلقتنا النهارده..
يا ريت تجرّبوا الوصفات اللي عملناها النهارده..
وتبعتوا تقولوا لنا آرائكم واقتراحاتكم..
واستنونا الحلقة الجاية مع وصفات تانية كتير..
سلااااام،،،

 

< >