الرئيسية > صحة وجمال > قمر 14 > مع رانيا.. زيت اللبان المر لبشرة فاتحة ومنورة

مع رانيا.. زيت اللبان المر لبشرة فاتحة ومنورة

اعملي خليط من الزيوت الطبيعية لتفتيح البشرة

أعده للنشر: مها مصطفى
أهلا بكل بنات “قمر 14″ في حلقة جديدة من حلقات “جمالك من الطبيعة مع رانيا”، والنهارده هنعمل ماسكات للعناية بالبشرة هنستخدم فيها مجموعة جديدة من الزيوت؛ زي: زيت اللبان الدكر وزيت الترمس وزيت القرفة، اللي لهم فوايد كتيرة جدا للبشرة..

ماسك السكر لتنظيف وتلميع البشرة
المقادير:
3 ملعقة كبيرة سكر بودرة
2 ملعقة كبيرة زيت زيتون

الطريقة:
هنخلط الزيت والسكر مع بعض لحد ما يبقى قوامه كريمي ونستخدمه على جسم مبلول، ونعمل بيه سنفرة للجسم.

الماسك ده بيفتّح الجسم وبيدّى لمعة وبيزيل الخلايا الميتة، وممكن نحط بعده أي زيوت عطرية؛ زي: زيت البندق أو الألف زهرة أو الزهر الفرنساوي.

زيت اللبان الدكر لتفتيح بشرة الوش
المقادير:
زيت لوز مر
5 نقط زيت ورد
5 نقط زيت قرفة
ملعقة صغيرة زيت ترمس
ملعقة صغيرة زيت لبان دكر

الطريقة:
يُفضّل إن الزجاجة اللي هنحتفظ فيها بالزيوت دي تبقى غامقة، وهنبدأ الأول نملأ ثلاثة أرباع الزجاجة بزيت اللوز المر، وبعد كده نضيف عليها باقي الزيوت.

والماسك ده بيفتّح بشرة الوش والجسم والأماكن الحساسة، وممكن نستخدمه مرتين في اليوم، وممكن نحطّه على الجسم بالكامل ما عدا منطقة فوق وتحت العين، ومع الاستخدام هتحصلي على بشرة فاتحة ومنورة.

 

 

وبكده تكون خلصت حلقتنا النهارده..
استنونا الحلقة الجاية مع زيوت تانية وماسكات أكتر..
سلام،،،