الرئيسية > صحة وجمال > قمر 14 > ربطات طرح سواريه.. أنيقة وبسيطة

ربطات طرح سواريه.. أنيقة وبسيطة

لفات طرح سواريه جديدة ومتميّزة

أهلاً بيكم معانا في حلقة جديدة من حلقات

“إنتِ أجمل مع إيمان أيوب”

وحلقتنا النهارده هنقدّم فيها

لفات طرح سواريه جديدة ومتميّزة جداً

واللي هتقدمها لنا مصممة لفات الطرح  “مروة البغدادي”.

 

اعملي لفات متنوّعة بطرحة واحدة
زي ما هنشوف في الفيديو إننا ممكن نعمل أكتر من شكل في لفة الحجاب بنفس الطرحة، يعني ممكن نلبسها بطريقة الاسبانش، واللي بتكون مناسبة أكتر للسن الصغير.

أو نلبسها من ورا ونلف الديل على الرقبة، وبعدين نطلع به على الرأس، وبكده هيدينا شكل جديد خالص.
وده بيوضح لنا إن كل حركة أو تغيير بنعمله في لفة الطرحة حتى ولو كان بسيط هيغيّر خالص من شكل الطرحة وهيدينا شكل جديد.

 

لو جبهتك عريضة
فيه بنات كتير بتشتكي من مشكلة الجبهة العريضة، ومش عارفة إزاي تداريها بالطرحة، لكن حل المشكلة دي بسيطة جداً وكل اللي عليها إنها تلبس باندانا؛ علشان تقطع جزء من الجبهة أو تنزّل الطرحة لأدام شوية علشان تقلل من مساحة الجبهة.

صاحبة الوش الصغير
البنت اللي وشها صغير أو رفيع ممكن تعالج المشكلة دي بإنها تلبس أكثر من طرحة مع بعض.. وتحاول دايماً إنها تدخل ألوان مش تقليدية مع بعض؛ لأن الطريقة دي بتدي أناقة وشياكة، وما فيش أي مشكلة إن الطرحتين يكونوا مطرزين.

 

 

وبكده تكون خلصت حلقتنا النهارده..
ونتمنى إنها تكون عجبتكم..
وفي انتظار آرائكم وتعليقاتكم..
إلى اللقاء،،،