الرئيسية > صحة وجمال > قمر 14 > في عيد الحب.. أفكار جنان وهدايا بالألوان

في عيد الحب.. أفكار جنان وهدايا بالألوان

حركات جامدة تعبّر عن حبك


في عيد الحب.. أفكار جنان وهدايا بالألوان

قلب مليااااان بالحب
 
كل اللي هتحتاجيه:

• صندوق خشب أو كارتون على شكل قلب “هتلاقيهم في أي محل هدايا أو لعب”.
• دهان أحمر أو روز.
• فرشاة للدهان.
• ورد مجفف أو بلاستيك لونه أحمر.
• مسدس شمع أو صمغ.

وهتعملي الخطوات دي:

1- هتدهني الصندوق بتاعك باللون اللي اخترتيه.

2- سيبيه لما ينشف خالص.

3- بعد ما تتأكدي إن الصندوق نشف، ادهنيه كمان مرة علشان يبقى شكله أحلى، وتسيبيه لمدة 3 ساعات كمان علشان ينشف كويس.

4- بعد كده أحضري الصمغ أو مسدس الشمع، وابدئي الزقي الورد بتاعك على غطاء العلبة بس راعي إنك تلزقيه على شكل قلب.

وبكده نكون خلصنا القلب اللي هتحطي فيه الهدية بتاعتك، وبالنسبة للهدية فإنتِ ممكن يا ستي تختاري هدية ما بين الهدايا دي:

1- تذاكر لفيلم رومانسي أو مسرحية.
2- ساعة.
3- دبوس للكرافتة.
4- زراير للقميص.
5- زجاجة برفان.


ومش لازم تختاري ما بين الهدايا اللي فاتت دي، إنتِ ممكن تشوفي هو كان نفسه في إيه أو هو بيحب إيه وتشتريه له، وأكيد دي هتكون أحلى هدية.
وبكده يكون خلص كلامنا النهارده..
وكل عيد حب وأنتم طيبين..


< >