الرئيسية > استشارات > فضفض لنا > اديني رأيك: جوزي بيبص على البنات ويقول رجليها حلوة!!
أرسل استشارتك

اديني رأيك: جوزي بيبص على البنات ويقول رجليها حلوة!!

عارفة إنه بيحبني بس مش عارفة ده مرض ولا إيه؟

السلام عليكم ورحمة الله وبركاته.. مشكلتي إن جوزي عينيه زايغة جدا مع إنه طيب، وأنا عارفة إنه بيحبني بس مش عارفة مرض ده ولا إيه؟؟

 

هو فيه عادة كده إنه لما يكون قاعد في مكان -وليكن عيادة مثلا- تفضل عينيه على أي واحدة تدخل لازم يلقي نظرة، وممكن يبقوا اثنين، ولما واجهته بعد ما لاحظتها من ثاني شهر بعد الجواز، بعد ما كان بيبص ورانا وإحنا مستنين تاكسي، لاحظته بص مرة وكررها كمان كام مرة.. ولما بصيت لقيت بنت واقفة مع اثنين إخواتها.. ولما قلت له قال لي بهزار: “أصل رجليها شكلها حلو في الصندل”، مع إني ممكن أكون أحسن منها، بس مش عارفة إيه ده طيب.. للدرجة إنه مش بيراعي شعوري في كلامه.

 

الأول كان بينكر إنه بيبص على البنات، وبعدها يقول لي: “أنا آسف”، مش عارفة هو للدرجة دي ما بيكونش حاسس بنفسه؟؟ هو كان يعرف بنات قبل الجواز، وإحنا جوازنا تقليدي؛ بس هو كان كل همه إني ماكونش كنت بامشي مع أولاد والكلام ده.

 

أول مرة واجهته، وبعدها اعترف والتزم كام مرة كده لما نخرج مايبصش، وأنا كنت حاسة إنه بيحاول يرضيني مش علشان هو فكر وعرف إنه أصلا حرام، والمفروض على الأقل يغض البصر.

 

بجد الموضوع ده جارحني، ورجع يعمل كده تاني، وصبرت عليه كام مرة، وحاولت ما أبينش إني اتخنقت إلا لما لقيت الموضوع اتكرر كثير، مش عايزة أقول لك لدرجة إنه لما بيحول التليفزيون ويكون فيه برنامج فيه مذيعة، يوقف شوية يتأمل حتى لو مش هنتفرج، لاحظتها كثير جدا، أنا عارفة إنه بيحبني، وباقول بكرة يبطل وربنا يهديه، أنا حرمت أقول له نخرج؛ علشان ما أحرقش دمي وأنا باشوفه بيبص وكمان يبان عليّ، ونرجع متنكدين وزعلانين وتبقى خروجاتي معاه بنكد، وكمان خايفة يحس إنه متراقب وهو خارج معايا، ومش واخد راحته، فيكره الخروج معايا.. يا ريت تتكلموا في الموضوع ده قريب جدا وباستفاضة.

 

za2er

 

 

لو عايز تفضفض لنا دوس هنا

 

< >