الرئيسية > استشارات > فضفض لنا > أعمل إيه مع بابا وماما
أرسل استشارتك

أعمل إيه مع بابا وماما

أنا بحب واحد أوي بس بابا وماما مش موافقين عليه لأسباب هما عارفينها، بحبه من تانية ثانوي وأنا دلوقتي في تانية جامعة، مش هينفع أخسر أهلي علشانه ومش عارفة أحب حد غيره، سبته مرتين يمكن يتعود وأنا أتعود على البعد ويعرف إن إحنا مش لبعض، لو بابا ماكانش حلف عليّ كان ممكن أقول فيه أمل بس بابا عقدها أكتر في المرة الأولى سبته علشان بابا عرف الموضوع وقلت ممكن أحب حد تاني عادي بس كان قدامي علطول وباشوفه كتير ما قدرتش أنساه وأنا اللي رجعت له ما كملناش 5 شهور وسبنا بعض تاني علشان عريس وبابا مصمم عليه وأنا رفضته مع إن حبيبي كان عنده استعداد يتقدم لي، بس أنا اللي كنت باقول له مش دلوقتي بجد كنت خايفة يطلع ويتجرح من بابا.. المهم كان بيعمل أي حاجة عايزاها اشتغل وكمل تعليمه علشان مايكونش فيه تلكيكة وخلّص جيشه ده كله علشان لما يطلع ما يكونش ناقص له حاجة وبرغم أنا اللي سبته تاني مرة هو اللي رجع والله مش عارفة أحب حد غيره أنا حاسة إن الحب اللي أنا أعرفه هو، مش متصورة ممكن أحب حد تاني وأبادله نفس الشعور أنا متأكدة إني ممكن أظلمه معايا، هو كان أول حب في حياتي وعمري ما حبيت حد تاني، أنا دلوقتي مش مخطوبة ورجعنا لبعض بس مش عارفة أعمل إيه مع بابا وماما، أنا وهو دلوقتي متساوين في كل حاجة حتى في التعليم اللي هم كانوا رافضينه علشانه أعمل إيه؟

G

< >