الرئيسية > استشارات > مستشارك القانوني > كسبت قضية ضد الجيش ومش عارف أصرف الشيك
أرسل استشارتك

كسبت قضية ضد الجيش ومش عارف أصرف الشيك

كسبنا قضية تعويض ومش عارفين ناخد حقنا

أنا عايزة أسأل سؤال بخصوص قضية تعويض.. من 5 سنين حد قريبنا مات في الجيش في حادثة هناك نتيجة إهمال، ورفعنا قضية تعويض ضد الجيش، وبعدين بعد تأجيلات ونقض وكل شيء القضية أخدت حكم نهائي خلاص.

 

المفروض أنهم صوروا الرقم القومي للورثة ووديناها الحمد لله؛ بس طبعا السنة المالية الجديدة دخلت، والمحامي كل شوية يقول لنا الشيكات الأسبوع اللي جاي.. لأ اللي بعده، وقال لنا إن الشيك طلع ومعاه رقمه؛ بس طبعا بقالنا أكتر من شهر ونص كده.

 

فعايزة أعرف المفروض صرف الشيكات دي يستغرق قد إيه؟ وياخد وقت قد إيه علشان الشيكات توصل لنا؟ رجاء الرد بأسرع وقت وشكرا ليكم جدا.

 

H.E


 

عزيزتي.. في الواقع إن تنفيذ الأحكام من أصعب الإجراءات التي تعترض عمل المحامي؛ حيث إن الإجراءات والتعامل مع الموظفين من أصعب الأمور، ولكن مهما كان الأمر فإن التنفيذ إذا تمّ فقد انتهت أصعب مرحلة، وبشيء من المتابعة ينتهي الأمر.

 

هل فيه تصالح في قضايا سرقة مواسير صرف من وحدة محلية بقرية وعملوا لجنة لتقدير التلفيات وطلعت 38 ألف جنيه؟ والقضية واخدة رقم جنايات، والمحامي العام أحالها للجنايات.. هل يجوز فيها التصالح؛ بدفع الفلوس حق المواسير، وناخد مصالحة من المجلس المحلي وخلاص؟

 

Amere canbeutey


 

عزيزي.. نودّ أن نبيّن أولا أن الجنايات أو الجنح التصالح فيها يقتصر على الدعوى المدنية؛ أي الحق في التعويض.

 

أما الناحية الجنائية لا يمكن التصالح فيها؛ لأنها حق المجتمع في العقاب، ولهذا فإن سداد قيمة المسروقات لا علاقة له بالحكم بالبراءة، وإنما من الممكن أن يكون سببا في تخفيف العقوبة؛ حسب ظروف الواقعة، والسجل الجنائي للمتهم.


< >